Машинăпа трактор паркĕсем çĕнĕ техникăпа пуянланнă

Укçа-тенке çавăрсан тăкаксем 10,1 млрд тенкĕпе танлашнă. Çакă иртнĕ çулхи çак тапхăрти кăтартуран 460 млн тенкĕ ытларах.

– Юлашки çулсенче техникăна тăтăшах çĕнетни тракторсен паркне çирĕплетме, тыр-пул пухса кĕртекен комбайнсен шутне ÿстерме, ял хуçалăх ĕçĕсене пурнăçланă чух техника тиевне чакарма май парать, – тенĕ ПР Правительствин премьер-министрĕн çумĕ – ял хуçалăх министрĕ Ильшат Фазрахманов.

Регионти хуçалăхсен пурлăхпа техника базисене çĕнетме çĕнĕ техника туянма тăкакланă укçа-тенкĕн пĕр пайне саплаштармалли республика программи пулăшать. Çапла 2025 çулта ял хуçалăх таварĕсем туса кăларакансене 850 млн тенкĕ субсиди уйăрнă.