Пушкăртстанра йалана кĕнĕ Китай медицинине аталантарĕç

Вĕсем ĕçлĕ хутшăнусене çирĕплетес тата пĕрле ĕçлессине аталантарас ыйтусене пăхса тухнă. Ильнур Тактаев патшалăх инвесторсемпе предпринимательсене пулăшу пани, республикăри инвестици политики çинчен каласа панă. Чжан Вейдун хутшăнусем икĕ еншĕн те кăсăк пулнине палăртнă, малашлăхра ĕçлемелли енсене уйăрса кăтартнă.

Партнерсем çĕршывсем хушшинче тавар çаврăнăшне ÿстерме бизнес тĕллевсемпе бизнес тĕлпулусем йĕркелесси пирки калаçса татăлнă. Çавăн пекех Пушкăртстанăн Предпринимательствăпа туризм министерстви тата ПР Медицина палати Пĕтĕм тĕнчери йăлана кĕнĕ Китай медицина обществисен федерацийĕн профессиллĕ комитечĕпе малашнехи тĕллевсем çинчен калакан протокола алă пуснă. Килĕшÿ йăлана кĕнĕ Китай медицини енĕпе пĕрле ĕçлессине аталантарма пулăшĕ.

Юрий СНЕГОПАД.