Радий Хабиров регионта медицина колледжĕсен сетьне анлăлатасси пирки каласа панă

«Çамрăксем тăван республикăрах професси пĕлĕвĕ илччĕр тесе тăрăшатпăр. Юлашки икĕ çул хушшинче анлă сарăлнă медицина профессисене алла илме пур майсене анлăлатрăмăр. 2022 çултан пуçласа «Сиплев ĕçĕ», «Сестра ĕçĕ», «Акушер ĕçĕ» тата ытти профильлĕ пĕлĕве медицина колледжĕсенче,  Октябрьскипе Учалăри, Нефтекамскпа Месягутовăри филиалсенче илме пулать. Çĕнĕ юхăмсене ятарласа Пушкăртстанри вĕренÿ заведенийĕсенче пирĕн çамрăксем килте вĕренме пултарччăр тесе уçрăмăр. Çĕнĕ вĕренÿ çулĕнче асăннă колледжсем 250 абитуриента йышăнма хатĕр», - тесе çырнă Радий Хабиров.

Пушкăртстан пуçлăхĕ çулсерен медицина шайĕнчи çамрăк специалистсен йышĕ ÿснине палăртнă. Сăмахран, 2024 çулта республикăри медицина колледжĕсенчен 1900 выпускник вĕренсе тухĕ, 2025 çулта – 2700, 2026 çулта – 3200 ытла специалист.