«Сĕт кухнин» продукцине 23,6 пин çын илеççĕ

2019 çултан пуçласа республикăра çичĕ производство цехĕ Ĕпхÿре, Нефтекамскра, Çтерлĕре, Сибайра, Белорецкра, Октябрьски хулисенче тата Верхние Киги ялта пур. Пушкăртстанра продукци валеçекен 132 пункт ĕçлет, аякри 61 ял-саласене тăватă автолавка çÿрет. Пурĕ «Сĕт кухни» 23 тĕрлĕ продукци туса кăларать: сĕт, йогурт, тăпăрчă, ачасем валли печени тата ытти те. Кăçал июнь уйăхĕнчен пуçласа аслисем валли сĕт, кефир, хăйма, 3 çултан аслăрах ачасем тата аслисем валли тăпăрчă тума пуçланă.

– Пирĕн пек  форматлă, калăпăшлă проектсем çĕршывра нумай мар. Çакăншăн «Сĕт кухнин» ушкăнне пысăк тав, - тенĕ Радий Хабиров. – Халĕ малалла аталанмалли юхăмсем пирки уйламалла. Вĕсем иккĕ пулма пултараççĕ. Пĕрремĕшĕ тавар ассортиментне ÿстересси, тутлă та усăллă продукци тăвасси. Иккĕмĕшĕ производство калăпăшне ÿстерсе çĕнĕ рынока тухасси. Республикăра сĕт нумай, ăна ĕçе кĕртмелле.