Хăйĕн хваттерĕнче наркопритон уçнă

Маларах та судпа айăпланнă арçын килĕнче наркотикпа усă куракансене йышăннă. Полицейскисем унăн хăнисене тытса чарнă та медицина тĕрĕслевне янă, наркотиксемпе усă курнăшăн протоколсем çырнă.

Йĕрке хуралçисем хваттерте саккунпа юраман япаласемпе усă курмалли хатĕрсене, 1,7 грамм таякан синтетика наркотикне тупнă. Арçынна хирĕç наркопритон йĕркеленĕшĕн тата пысăк калăпăшпа наркотиксем туянса усранăшăн уголовлă ĕç пуçарнă. Хальхи вăхăтра вăл хурал аллинче.