Çĕнĕ çул чăрăшĕсене хатĕрленипе суту-илÿ тунине тĕрĕслесе тăрĕç

2025 çулхи январь уйăхĕн 8-мĕшĕччен вăрман инспекторĕсемпе йĕрке хуралçисем  вăрмансене талăк тăршшĕпе тĕрĕслесе тăрĕç. Йăлана кĕнĕ тăрăх, республикăра вăрмантан тухакан çулсене, çĕнĕ çул йывăçĕсене турттарнине тимлĕç. Çавăн пекех елкăсемпе суту-илÿ тăвакан вырăнсене те шута илĕç.

Пушкăртстанри  вăрман министерствинче саккуна пăсса чăрăшсене касакансене административлă тата уголовлă явап тыттарма пултарни çинчен асăрхаттарчĕç. Енчен те лăсăллă йывăçсене тĕрлĕ механизмсемпе, транспортпа, техникăпа усă курса каснă пулсан уйрăм граждансене 5 пин тенкĕ, организацисене 500 пин тенкĕ таран штраф кĕтет.

Иртнĕ çулхи Çĕнĕ çул уявĕсенче инспекторсем 20 йĕрке пăсакана тытса чарнă.