Хĕрарăма руль умне ÿсĕр ларнипе тытса чарнă

Баймак районĕнче çул-йĕр патруль службин ĕçченĕсем иномарка рулĕ умĕнче ларакан ÿсер хĕрарăма тытса чарнă. Унсăр пуçне унăн водитель прави пачах та çукки паллă пулнă.

Хĕрĕх икĕ çулхи «Хонда» автомобиль хуçинчен эрех-сăра шăрши кĕнĕ. Тĕрĕслев иртнĕ хыççăн, сывлăшра 0,997 мг/л алкоголь пулни палăрнă. Çавăн пекех хĕрарăм нихăçан та водитель правине илменни çиеле тухнă. Автомобиле тепĕр хут ÿсĕр тытса пынишĕн хĕрарăм тĕлĕшпе уголовлă ĕç пуçарĕç.

Пурĕ канмалли кунсенче Пушкăртстанра çул-йĕр çинчи йĕркене пăснишĕн 3900 протокол çырнă. 173 водителе ÿсĕр пулнипе тытса чарнă, вĕсенчен 15-шĕ руль умне тепĕр хут сыпкăллă ларнишĕн лекнĕ.

Автор:Инга Алексеева

Читайте нас

Партнеры