Маркăсăр сигаретсем сутнă

Çтерлĕ хулинче икĕ арçын маркăсăр табак изделийĕсене пысăк калăпăшпа усранăшăн, турттарнăшăн тата сутнăшăн йĕрке хуралçисен аллине лекнĕ.

Вĕсем 2022 çулхи декабрь уйăхĕнчен пуçласа 2024 çулхи февраль уйăхĕччен фальсификата интернетра туянса тара илнĕ хуралтăсенче усранă тата сутнă. Йĕрке хуралçисем вĕсенчен 6 млн тенкĕлĕх 47 пин пачка сигарет туртса илнĕ.

Пушкăртстан прокуратурин пресс-служби пĕлтернĕ тăрăх, çак ĕçĕн материалĕсене çывăх вăхăтра суда пăхса тухма ярĕç.

Автор:Инга Алексеева

Читайте нас

Партнеры