Автомобиле ярăнас тесе вăрланă

Элшей районӗнчи полици уйрăмне 51 ҫулти хӗрарӑм пынӑ, вăл утӑ уйӑхӗн 7-8-мӗшӗсенче ҫӗрле ВАЗ-2114 автомобильне вӑрлани пирки пӗлтернӗ.

Уголовлӑ шырав ӗҫченӗсем айăплисене час тупса тытса чарнă. Пушкӑртстанри ШӖМ пӗлтернӗ тӑрӑх, автомобиле вăрласа каякансем 14 тата 15 ҫулсенчи икӗ ача пулнӑ. Вӗсем йӑпанас тесе ют автомобильпе ярӑнма шутланӑ. Маларах ачасем тепӗр икӗ машинӑна ҫӗмӗрме хӑтланнӑ. Ҫамрӑксем хӑйсен айăпне йышӑннӑ, ялтан тухса каймасси пирки алă пуснă.