Ĕпхÿре икĕ наркокурьера айăплĕç

Март-апрель уйăхĕнче наркотикпа суту-илÿ тăвакан курьерсем мессенджер урлă координатсене пĕлсе «таварăн» курттăм партине кайса илнĕ. Раççей урамĕнче тара илнĕ хваттерте порошока пĕчĕк дозăсене пайланă. Пĕр пайне вăрттăн вырăнсене пытарнă, ыттисене хваттерте усранă.

Полицейскисем Ĕпхÿ çыннисене Иглин районĕнчи Подольский ялĕ çывăхĕнчи вăрманта наркотиксен çĕнĕ партине илнĕ чух ярса тытнă. Пурĕ наркотик сутакансенче килограма яхăн наркăмăш пулнă.