Саккунсăр майпа наркотик сарнăшăн тытса чарнă

Пушкăртстанри Гафури районĕнче Пермь крайĕнче пурăнакан арçынна ушкăнпа калаçса татăлса пысăк калăпăшпа наркотик сарнăшăн суд умне тăратнă.

Иртнĕ çулхи июль уйăхĕнче арçын наркотик салатакан курьер ĕçне вырнаçса вăрттăн вырăнтан 4 килограмм саккунпа чарнă япалана кайса илнĕ. Йĕрке хуралçисем преступника тытса чарнă, «таварне» туртса илнĕ. Суд арçынна 9 çула çирĕп йĕркеллĕ колоние хупма йышăннă.

Наркотик сутни, вĕсене саракансен çинчен пĕлнĕ хушăра 8-800-700-8-800 пĕрлĕхлĕ телефон номерĕпе шăнкăравласа систермелле.

Автор: Инга Алексеева

Читайте нас