Хаклă япаласем вăрланишĕн айăпланă

Иртнĕ çулхи декабрь уйăхĕнче арçын Пелепей хулинче пурăнакан хĕрарăмпа паллашнă. Сĕтел хушшинче алкоголь шĕвекĕсем ĕçнĕ хыççăн хĕр çывăрса кайнă, хăна унăн ылтăн эрешĕсене вăрланă та тухса кайнă. Тепĕр кунхине хаклă япаласене ломбарда парасшăн пулнă, анчах та полицейскисем ăна ярса тытнă.

Пушкăртстанри Шалти ĕçсен министерстви пĕлтернĕ тăрăх, маларах арçынна наркотик сутнăшăн айăпланă пулнă. Хальхинче суд ăна 2,5 çула çирĕп режимлă колоние хупма йышăну тунă.

Пирĕн MАХри канал - https://max.ru/ursassi.