Мошенниксем çар çыннисен тăванĕсене улталамалли çĕнĕ схема шутласа тупнă

Мошенниксем вилнĕ çыннăн япалисене ярса пама çынран ирĕк илмелле тесе почта индексне тата смс-пĕлтерĕвĕн кодне пĕлтерме ыйтаççĕ.

«Раççей киберполици хыпарçи» («Вестник киберполиции России») телеграмм-канал  ăнлантарса панă тăрăх, асăннă схемăна СВОра вилнĕ е хыпарсăр çухалнă çар çыннисен тăванĕсене улталама хатĕрленĕ.

Граждансене информацин официаллă çăлкуçĕсене çеç шанма, хăвăр даннăйсене, кодсене пĕлмен çынсене каламасса асăрхаттараççĕ. Медицина учрежденисен ĕçченĕсем нихăçан та смс-пĕлтерÿсенчен кодсем ыйтмаççĕ.