Вилĕмлĕ авари тунăшăн айăпланă

2025 çулхи сентябрь уйăхĕнче ÿсĕр арçын «Лада Приора» рулĕ умне ларнă. Вăл машина хăвăртлăхне ÿстерсе тата çул паллисене шута илмесĕр хирĕç килекен çул çине тухса экскаватор-погрузчика пырса тăрăннă. Унăн пĕр пассажирĕ вырăнтах вилсе кайнă, иккĕмĕшĕн сывлăхне йывăр сиен кÿнĕ. Арçын хăй айăпне йышăннă. Суд ăна 5,2 çула колони-поселение яма йышăннă тата руль умне 2,5 çула ларма чарнă.