Ÿсĕр пулнипе автомобильсĕр тăрса юлнă

Кăçалхи февраль уйăхĕнче çул-йĕр патруль службин ĕçченĕсем «Лада Гранта» автомобилĕн ÿсĕр водительне тытса чарнă. Вăл хăй айăпне йышăннă.

Арçын иртнĕ çул çакăн пек ĕçпех административлă айăп тытнине шута илсе суд ăна колони-поселение ăсатма тата руль умне 2,5 çула ларма чарнă. Унăн çăмăл автомобильне патшалăх шутне туртса илнĕ.