Саккунпа чарнă япаласен пысăк партийĕшĕн тытса чарнă

Ăна тĕрĕсленĕ чухне икĕ тĕрке тупнă, вĕсене çыпăçакан хăюпа чĕркенĕ пулнă. Шалта полимер хутаçра ÿсен-тăранран хатĕрленĕ 5,6 грамм япала пулнă. Тĕпчев ирттернĕ хыççăн вăл наркотикла хутăш пулни палăрнă.

Маларах та уголовлă явап тытнăскере тĕрмене хупнă, тивĕçлĕ статьяпа уголовлă ĕç пуçарнă. Асăннă статьяпа чи пысăк срок пама, 10 çул ирĕксĕр хăварма пултараççĕ.

Полици ĕçченĕсем саккунпа чарнă япалан суту-илÿ каналне тупас, пулса иртнин мĕнпур лару-тăрăвне  пĕлес тесе оперативлă шырав ĕçĕсем ирттереççĕ.