Конкурса бакалавриат, специалитет, магистратура программисемпе пĕлÿ илекен студентсем, аспирантсем, çав шутра ют çĕршыв гражданĕсем те, хутшăнма пултараççĕ. Проектсем палăртнă çичĕ çул-йĕр çине - цифра технологийĕсем, сывлăха сыхламалли медицина тата технологи, хими технологийĕсемпе çĕнĕ материалсем, çĕнĕ приборсемпе интеллектуаллă производство технологийĕсем, биотехнологи, ресурсене упракан энергетика, креативлă индустри – тайăнса ĕçлемелле.
Йĕркелÿçĕсем çирĕплетнĕ тăрăх, 2024 çулта хăйсен проекчĕсене пурнăçа кĕртме Раççейре икĕ пин студента 1 миллимон тенкĕ парĕç. Ку иртнĕ çулхинчен 500 çын нумайрах. Кăçал ытларах Раççей экономикин сферине пырса тивекен проектсене - искусствăллă ăс-хакăлпа станоксем тăвассинчен пуçласа микроэлектроникăпа пилотсăр вĕçекен аппаратсен отраслĕ таран - пусăм тăвĕç.
Çĕнтернĕ хушăра аслă шкулсенче вĕренекенсем юридици сăпачĕ пек регистраци иртмелле, бизнес-план хатĕрлесе хăй стартапĕн сайтне уçмалла. Проекта пурнăçа кĕртес ĕçе шкул ачисемпе колледжсенче вĕренекенсене тÿлевсĕр явăçтарма пултараççĕ.
Сăмах май, çакна та палăртса хăвармалла, Пушкăртстан студентсем çĕнсе илнĕ грантсен шучĕпе Раççейри малта пыракан пилĕк регион шутне кĕнĕ.