ПР Ял хуçалăх министерствин пресс-служби пĕлтернĕ тăрăх, вăл регионăн инвестици вăй-хăвачĕ, ял хуçалăх производителĕсене паракан пулăшу мерисем пирки каласа панă.
Çул çÿрев витĕмĕпе килĕшÿллĕн Азербайджанри ĕçтешсемпе килĕшсе ĕçлемелли çул-йĕрсене тупма палăртаççĕ. Пушкăртстан – чи пысăк регионсенчен пĕри. Республикăра пурăнакан халăхăн 60% - мусульмансем. Çавăнпа та ял хуçалăх продукцийĕн ытларах пайне араб çĕршывĕсем йышăнакан «Халяль» стандартпа туса кăлараççĕ. Çавна май республика ял хуçалăх продукцине чикĕ леш енне сутассине те ÿстерет.
Унсăр пуçне агропромышленность çул-йĕрне аталантаракан «Азерсун» холдингăн тĕп директорĕпе Мухаммад Гёзалпа та ĕçлĕ калаçу иртнĕ. Азербайджан Пушкăртстан вăй-хăвачĕ пысăк пулнипе интересленнĕ. Икĕ ен те пирĕн республикăран типĕ сĕт туянмалли майсене пăхса тухнă.