Абзелил районĕнче нумай хваттерлĕ çуртсен подъезчĕсем çĕнелнĕ

Пушкăртстан Республикин Пуçлăхĕн Радий Хабировăн пуçарăвĕпе регионта 2019 çултанпа нумай хваттерлĕ çуртсен подъезчĕсене пĕтĕмĕшле юсасси программа ăнăçлă пурнăçа кĕрет. Вăл пулăшнипе 2019-2023 çулсенче 8,2 пин подъезд (пурĕ 3,5 млрд тенкĕлĕх) çĕнетнĕ. Çав шутра – 17-шĕ Абзелил районĕнче.

 Çавăн пекех асăннă районта «Пушкăртстан картишĕсем» программа та ăнăçлă пурнăçланать. Радий Хабировăн пуçарăвĕпе хута янă программа çĕршывра хăйне евĕрлĕхĕпе уйрăлса тăрать. Пилĕк çул хушшинче республикăра 1326 картише тирпей-илем кĕртнĕ,  ун валли 6 млрд ытла тенкĕ хывнă. Асăннă программа витĕмĕпе Аскарово ялĕнчи Учалинская урамĕнчи картишсенчен пĕри те паянхи самана ыйтнипе килĕшсе тăрать.