Шуратăла вĕтĕ çĕкĕ пулă янă

ПР Экологи министерстви пĕлтернĕ тăрăх, Бирск районĕнче Шуратăла 17 пин вĕтĕ çĕкĕ (стерлядь) пулă янă. Осетер йышши паха пулла Хĕрлĕ кĕнекене кĕртнĕ. Экологи акцине республикăри пĕр компанин укçи-тенкипе, çут çанталăка сиен кÿнине саплаштармалли компенсаци шайĕнче, ирттернĕ.

Ведомствăра пĕлтернĕ тăрăх, вĕтĕ пулăсене Чебаркульти пулă заводĕнче ÿстернĕ. Вĕтĕ çĕкĕ пуллăн çут çанталăкра çитĕнсе çитме майĕсем сахалрах. Паха пулла искусствăллă хутлăхсенче çитĕнтерни – ăна регион валли сыхласа хăвармалли чи тухăçлă меслет.