Ĕпхÿрен Абхазине тÿрĕ авиарейс йĕркелеме палăртаççĕ

«Ĕçе çийĕнчех пуçăнмалла. Ĕç саманчĕсене пăхса тухăр. Çак енĕпе сакăр хула суйласа илнĕ, çав шутра Ĕпхÿ те пур. Пирĕн тĕп тĕллев унта вĕçме пултаракан авиакомпани тупасси пулса тăрать. Çак майпа усă курмалла», - тенĕ Радий Хабиров.

Сăмах май, Республика кунĕ умĕн Абхази Президенчĕ Аслан Бжания, Пушкăртстан Пуçлăхĕ Радий Хабиров, Донецск Халăх Республикин Пуçлăхĕ  Денис Пушилин Шуратăл хĕрринче, Туслăх монуменчĕ çывăхĕнче, коллонада уçнă церемоние хутшăннă. Пушкăртстанпа Абхази хушшинчи туслăха сăнласа паракан коллонадăн пĕрремĕш чулне 2023 çулхи октябрь уйăхĕн 11-мĕшĕнче хунă.

Юрий СНЕГОПАД.