Республикăра пĕрремĕш хими вырсарни шкулĕ уçăлĕ

- БСК пысăк масштаблă вĕрентÿ программине пурнăçа кĕртет. Унăн тĕп тĕллевĕ – çĕршыври хими промышленноçĕ валли квалификациллĕ кадрсем хатĕрлесси. Ку – Пушкăртстанăн малашлăхне тата предприятие тÿпе хывни. Эпир кадрсене шкул саккинченех хатĕрлетпĕр, - каласа парать компанин персоналпа тата тĕп ыйтусемпе ĕçлекен директорĕ. – Пирĕн проектсем çĕнĕ ăру специалисчĕсене йĕркелессипе çыхăннă, вĕсем экономикăн секторне питĕ кирлĕ.

Хими вырсарни шкулĕнче  Пĕтĕм Раççейри тата Тĕнче шайĕнчи çĕнтерÿçĕсемпе призерсен пĕр ăрăвне çеç мар хатĕрленĕ республикăри чи лайăх вĕрентекенсем пулĕç. Вĕсемпе пĕр командăра Кăнтăр Пушкăртстанри олимпиада юхăмĕн наставникĕсен ассоциацийĕн çамрăк та пултаруллă членĕсем ĕçлĕç. Юлашкисем хими вĕрентекенĕсен пĕлĕвне ÿстермелли курссем те ирттерĕç.

Вырсарни шкул воспитанникĕсем хими наукине вĕреннисĕр пуçне тĕрлĕ проектсене, конференцисемпе олимпиадăсене хутшăнĕç. Педагогсем пултаруллă  çамрăксене аталантарма  пулăшакан кураторсем вырăнне те пулĕç.