Пахча кĕпçи вăрăм ĕмĕр парнелет

Мĕн пĕчĕкрен пире ешĕл çимĕçсем витаминсемпе пуян тесе вĕрентнĕ. Çав енчен пахча кĕпçи лайăх тĕслĕх. Аскорбин кислоти (С витамин) асăннă çимĕçре 0,2%, лимонпа танлаштарсан нумайрах. Пахча кĕпçин 7-10 грамĕ çынна талăкра кирлĕ нормăпа тивĕçтерет. Вăл çавăн пекех К, В1, В2 витаминсем, ретинол (А витамин), каротин (А провитамин), тиамин, рибофлавин, никотин тата фолий кислотисемпе пуян. Çавăн пекех унта фосфор, кальций, магний, калий, тимĕр, тĕрлĕ антиоксидантсем пур. Пахча кĕпçи клеткăсене ватăлассинчен сыхлакан, шыçăсемпе кĕрешекен флавоноидсемпе пуян, çав шутра апигенпа та.
Инга АЛЕКСЕЕВА хатĕрленĕ.