«Чăваш романĕ» конкурсăн çĕнтерÿçи

Пултарулăх ăмăртăвĕ çулталăка яхăн пычĕ – ĕçсене 2023 çулхи декабрь уйăхĕн 25-мĕшĕнчен пуçласа 2024 çулхи сентябрь уйăхĕн 30-мĕшĕччен йышăнчĕç.
Конкурсăн тĕп тĕллевĕ – хальхи чăваш литературине тата пысăк калăпăшлă хайлавсене аталантарасси.
Ăмăртăва тăратнă ĕçсемпе жюри членĕсем тимлĕ паллашрĕç, вĕсен пĕтĕмлетĕвĕсем тăрăх, Ангелина Павловская паллă çыравçăн «Çутă ĕмĕт çунатлă» ал çырăвĕ мала тухрĕ. Çитес çул вăл Чăваш кĕнеке издательствинче уйрăм кĕнекепе пичетленсе тухĕ.
Редакцирен: иртнĕ çул çак сумлă ята Пушкăртстанри Федоровка районĕнче пурăнакан Аркадий Русаков çыравçă тивĕçнĕччĕ.Унăн «Турхан сăмахĕ» романĕ кăçал Чăваш кĕнеке издательствинче пичетленсе тухрĕ.