Çтерлĕпуçĕнче çынсем ыйтнипе аллейăна çĕнетнĕ

Юлашки çул хушшинче «Çурт-йĕр тата хула хутлăхĕ» наци проекчĕн «Хăтлă хула хутлăхĕ йĕркелесси» федераллă проект шайĕнче Çтерлĕпуç районĕнче Çĕнтерÿ паркне çĕнетнĕ, «Молодежный» парк уçнă, культура çурчĕн, йĕлтĕр базин территорисене тирпей-илем кĕртнĕ, çуран çÿрекенсен сукмакĕсене тунă.

Кăçал федераллă проект витĕмĕпе район центрĕнче Çар мухтавĕн аллейине çĕнетнĕ. Шăпах уншăн муниципалитетра пурăнакансем 2023 çулта ытларах сасă панă.

2024 çулта Пушкăртстанра «Çурт-йĕр тата хула хутлăхĕ» наци проекчĕн «Хăтлă хула хутлăхĕ йĕркелесси» федераллă проект шайĕнче 123 обществăлла территорие хăтлăх кĕртеççĕ. Палăртнине пурнăçлама 1,2 млрд тенкĕ тăкаклĕç. Программа республикăн 67 ял-хулинче вăй илнĕ.