Китая паха выльăх апат хутăшне ăсатнă

Выльăх апат хутăшĕн  83 партине чикĕ леш енне ăсатас умĕн Россельхознадзор специалисчĕсем тĕрĕсленĕ.

- Фитосанитари экспертизисен  пĕтĕмлетĕвĕсем тăрăх сахăр кăшманĕн жомĕнче сиенлĕ организмсем тупман. Продукци пĕтĕмпе Китай çĕршывĕ ыйтнине тивĕçтерет, -  тенĕ специалистсем.

Пĕлсе тăма. Сахăр кăшманĕн грануллă жомĕ выльăх апачĕн паха хутăшĕ шутланать. Унпа выльăх-чĕрлĕх самăртма, ĕнесен сĕт сăвăмне ÿстерме, чăх-чĕп çитернĕ çĕрте усă кураççĕ.

2024 çулхи çичĕ уйăх хушшинче Пушкăртстан Китая 25 пин тонна кăшман жомне ăсатнă. Танлаштарма, иртнĕ çулхи çичĕ уйăх хушшинче чикĕ леш енне асăннă продукцие 10,5 пин тонна сутнă.