Пушкӑртстанри юхан шывсенче 27 ҫын пурнӑҫӗ татӑлнӑ

Июль уйăхĕн 4-мӗшӗ тӗлне илсе кăтартнă информаци тăрăх, Пушкӑртстанри юхан шывсенче 27 ҫын вилнӗ, ҫав шута тӑватӑ ача кĕрет.

Çакăн çинчен регионти инкеклĕ лару-тӑру енӗпе ӗҫлекен патшалӑх комитечӗн председателӗ Кирилл Первов Телеграм-каналти хӑйӗн страницинче пӗлтернӗ. Паянхи кун тĕлне республикӑра шыв хӗрринче канмалли 285 вырӑн ӗҫлет, ҫав шутра - 193 официаллӑ пляж. Канмалли вырăнсен списокĕпе Инкеклĕ лару-тăру патшалăх комитечӗн сайтӗнче паллашма пулать.

Республикăри Инкеклĕ лару-тăру министерствин ĕçченĕсемпе муниципалитет ертÿçисем шывра ҫынсем вилесрен сыхланмалли хушма мерӑсем пирки видеоконференци мелĕпе ирттернӗ канашлура сӳтсе явнă.