Упа пулăçăсем патне тухнă

Апат шăршине туйса илнĕ упа çыран хĕррине хăналанма килнĕ. «Башкирия» наци паркĕн дирекцинче хăрушсăрлăх мерисем çинчен асăрхаттарнă.

«Тискер чĕр чунпа кирек мĕнле тĕл пулу та пурнăçшăн хăрушлăх кăларса тăратать. Çакна асра тытса тискер кайăксене ан илĕртĕр, туристсем чарăнмалли вырăнсенче апат, çÿп-çап ан хăварăр», - тесе çырнă наци паркĕн ĕçченĕсем.

Маларах Мелеуз районĕнче упасен çемйи хĕвел çаврăнăш çиме ана çине килсе  тухнă.