Шкул автобусĕн водителĕ суя праваллă пулнă

Патшалăх автоинспекторĕсем Демьян Бедный урамĕнче «ПАЗ» шкул автобусне тытса чарнă. Ун рулĕ умĕнче 51 çулхи хула çынни ларса пынă. Вăл вырăнти шкулта вĕренекен 23 ачана экскурсие илсе кайнă пулнă.

Документсене тĕрĕсленĕ май, водитель удостоверенийĕ суя тата идентификаци номерĕпе урăх çыннăн пулни палăрнă.

Водитель тĕлĕшĕпе административлă протокол хатĕрленĕ. Автобуса штрафстоянкăна ăсатнă. Арçынна лару-тăрăва малалла уçăмлатма вырăнти полици уйрăмне çитернĕ.

Ачасене илес пулсассăн, вĕсем хăйсем тĕллĕн педагогсемпе пĕрле шкула таврăннă.