Пур хыпар та
Аталану
8 Июнӗн , 16:10

Ача сачĕсем валли 48 миллион тенкĕ ытла уйăрĕç

Харпăр (частный) ача сачĕсенче 1,5 çултан пуçласа 3 çула çитичченхи ачасем валли хушма вырăнсем уçма Пушкăртстана федераллă бюджетран 48,4 млн тенкĕ уйăрĕç. Тивĕçлĕ хушăва РФ Правительствин председателĕ Михаил Мишустин алă пуснă.

Ача сачĕсем валли 48 миллион тенкĕ ытла уйăрĕç
Ача сачĕсем валли 48 миллион тенкĕ ытла уйăрĕç

Республикăри Вĕрентÿ министерстви асăннă пулăшу ачасем валли çĕнĕ 400 вырăн тума, харпăр ача пахчисен ертÿçисен тата специалисчĕсен квалификацине ÿстерме май парĕ тесе пĕлтернĕ.

Çавăн пекех хушма пулăшăва Амур, Калининград тата Мускав облаçĕсем тивĕçнĕ.

Астутарасшăн, 2020 çултан «Демографи» наци проекчĕ витĕмĕпе «Ĕçпе тивĕçтересси» регионти проектпа килĕшÿллĕн республикăра 1,5 çултан пуçласа 3 çула çитмен ачасем валли  ача пахчисенче 650 хушма вырăн туса панă.

#Башкортостан#Уралсасси#нацпроект#Демография

Автор:Инга Алексеева
Читайте нас в