Пур хыпар та
Аталану
9 Июнӗн , 15:35

Промышленность предприятийĕсем валли уйăракан пулăшу виçи икĕ хут ÿсĕ

2023 çултан промышленность предприятийĕсене туяннă оборудованисен тăкакĕсене саплаштармалли субсидисем 20 процентран 50 процента çити ÿсĕç. Заявлени  çыракан асăннă тĕллевсене пурнăçлама малтанхи пек 10 млн тенкĕ çеç мар, 20 млн тенкĕ пулăшу илме пултарĕ. Регионсенчи промышленность предприятийĕсене уйăракан пулăшăва ÿстересси çинчен федераллă правительство йышăну тунине республикăри Промышленность министерствин пресс-службинче пĕлтернĕ.

Промышленность предприятийĕсем валли уйăракан пулăшу виçи икĕ хут ÿсĕ
Промышленность предприятийĕсем валли уйăракан пулăшу виçи икĕ хут ÿсĕ

- Регионти пĕрлĕхлĕ субсиди витĕмĕпе инвестици проекчĕсене пурнăçа кĕртме тата промышленность предприятийĕсене çĕнетме тата аталантарма темиçе юхăм палăртаççĕ. Асăннă укçа-тенкĕ  регионсене предприятисен тăкакĕсене саплаштарма пулăшĕ, -  пĕлтернĕ Пушкăртстанри промышленность, энергетика тата инноваци министрĕ Александр Шельдяев.

Çавăн пекех правительство коммуналлă ресурссемшĕн тÿлемелли субсиди виçине те ÿстерет. Патшалăх пулăшăвĕ 50 процентран 80 процента çити ÿсет.

2022 çулта 54 регионти промышленность аталанăвĕ валли 3,7 млрд тенкĕ уйăрĕç. Укçа-тенке регионти промышленность аталанавĕн фончĕсене  те çитерĕç. Çывăх вăхăтра Раççей Промышленноçпа суту-илÿ министерстви 2023 çулта Пĕрлĕхлĕ регионти субсиди инструменчĕ урлă регионсене пулăшу уйăрмалли конкурс çинчен пĕлтерĕ.

Автор:Инга Алексеева
Читайте нас в