Пур хыпар та
Аталану
14 Июнӗн , 15:30

Пушкăртстан ял хуçалăх техникине тăвакан Белорусси производителĕсемпе çыхăну аталанталарать

 ПР правительствăн премьер-министрĕ – ял хуçалăх министрĕ Ильшат Фазрахманов ертсе пыракан Пушкăртстан делегацийĕ Минск хулинче иртекен Белоруссин агропромышленность эрнин ĕçне хутшăннă.

Пушкăртстан ял хуçалăх техникине тăвакан Белорусси производителĕсемпе çыхăну аталанталарать
Пушкăртстан ял хуçалăх техникине тăвакан Белорусси производителĕсемпе çыхăну аталанталарать

«Великий Камень» Китайпа Белоруссин индустри паркĕн курав центрĕнче пирĕн регион представителĕсем ÿсен-тăран, выльăх-чĕрлĕх ĕрчетессипе, продукцие тирпейлемелли технологисемпе, усрамалли тата чĕркемелли ĕç опычĕпе паллашнă, ял хуçалăх техникисене пăхса тухнă.

Ильшат Фазрахманов ял хуçалăх техникипе транспорт туса кăларакан пысăк предприяти-производителĕсемпе тĕл пулусемпе калаçусем ирттернĕ. Вĕсен хушшинче «Лидсельмаш» (СНГри çакса тата çаклатса ямалли ял хуçалăх машинисен производителĕ), МАЗ, Минскри трактор завочĕ (Пушкăртстанăн ял хуçалăх промышленноçĕн шанчăклă партнерĕ) тата ыттисем те.  Малашне  те пĕрле ĕçлесси тата Пушкăртстана техникăна çитерессипе çыхăннă ыйтусене сÿтсе явнă.

Инга АЛЕКСЕЕВА.

Автор:Инга Алексеева
Читайте нас в