Пушарта çын вилнĕ

Ноябрь уйăхĕн 3-мĕшĕнче пĕренесенчен хăпартнă çуртра стена йăсăрланни çинчен хыпар çитнĕ. Шăпах кÿрши пушар паллисене асăрханă.

Тинĕскÿл ял хутлăхĕнчи пушар командин пайташĕсем инкек сиксе тухнă вырăна килсе çитсен тĕтĕм тухнине асăрханă.

Çавăн пекех пÿртре диван та, килти япаласем те çулăмпа  сиенленнĕ пулнă. Пушар сÿнтерекенсем çавăнтах арçын виллине тупнă.

Пушар тухнин сăлтавĕ – пирус туртнă чухне асăрханусăр пулни. Кил хуçи пĕчченех пурăннă, эрехпе иртĕхнĕрен учетра тăнă. Çуртра пушара маларах систерекен автономлă прибор пулнă. Анчах А. гражданин тăтăшах батарейăсене кăлара-кăлара илнĕ.