Пушарта 11 çулхи арçын ачапа унăн амăшĕ шар курнă

Пушар вăхăтĕнче 11 çулхи арçын ачапа унăн амăшĕ инкек курнă.

Северная урамра вырнаçнă виçĕ хутлă нумай хваттерлĕ çуртăн пĕрремĕш хутĕнче сĕтел-пукансемпе япаласем çунма пуçланă.Хваттертен тухмалли çула вутпа йÿçĕ тĕтĕм пÿлнĕ.

Раççейĕн Инкеклĕ лару-тăру министерствин тата Пушкăртстан Республикинчи инкеклĕ лару-тăру енĕпе йĕркеленнĕ патшалăх комитечĕн ĕçченĕсем инкек сиксе тухнă вырăна оперативлă килсе çитнĕ, 2 аслă çынна, çавăн пекех пĕрремĕш хутăн чÿречи урлă 3 ачана, иккĕмĕш хутри балконран тата 3 ачана çăлнă.

Вут-çулăма икĕ тăваткал метр лаптăк çинче сÿнтернĕ. Пÿрт стенисем пĕрремĕш хутран пуçласа виççĕмĕш хута çитичченех тĕтĕмпе хуралнă.

Шел те, пушар вăхăтĕнче 11 çулхи арçын ачапа унăн 41 çулхи амăшĕ суранланнă. Иккĕшне те больницăна илсе çитернĕ.

Халĕ вырăнта следствипе оперативлă ушкăн ĕçлет. Пушара сÿнтерме 12 специалиста тата 4 техника единици явăçтарнă.