Пур хыпар та
Пăтăрмах
23 Декабрӗн 2024, 15:30

Ĕпхÿри аэропортра 26 авиарейса чарса тăнă

Иртнĕ эрнере Пушкăртстанăн тĕп хулинчи аэропортра 26 рейса çула тухма чарнă. Унсăр пуçне 5 рейса пачах та пурнăçламан. Сăлтавĕ аэропорт айăпне пула мар тесе пĕлтернĕ ПР транспорт тата çул-йĕр хуçалăхĕн министрĕ Любовь Минакова Республикăри управлени центрĕнче иртнĕ правительствăн оперативлă канашлăвĕнче.

Ĕпхÿри аэропортра 26 авиарейса чарса тăнă
Ĕпхÿри аэропортра 26 авиарейса чарса тăнă

Çавăн пекех иртнĕ çичĕ кун хушшинче регионти çулсем çинче 49 инкек пулнине шута илнĕ. Аварисенче 9 çыннăн пурнăçĕ татăлнă тата аллă пиллĕкĕшĕ суранланнă. Çулталăк пуçланнăранпа пурĕ 2873 çул-йĕр аварийĕ пулса иртнĕ. Çакă иртнĕ çулхи çав вăхăтрипе танлаштарсан 19 процент сахалрах. Çав вăхăтрах вилнисен шучĕ 5,9 процент ÿснĕ, 393 çын пурнăçпа сывпуллашнă.

Юрий СНЕГОПАД.

Автор:Юрий Михайлов
Читайте нас: