Чăваш Нукасак арĕ вут-çулăм серепинчен тухайман

РФ Инкеклĕ лару-тăру министерствин Пушкăртстанри Тĕп управленийĕ пĕлтернĕ тăрăх, вут-çулăм Чăваш Нукасакĕнчи йывăç çурта çур çĕр вăхăтĕнче хыпса илнĕ. «Хĕрлĕ автанпа» Раççейĕн Инкеклĕ лару-тăру министерствин пушар хуралĕн ĕçченĕсем, вырăнти халăх тата хăйсен ирĕкĕпе ĕçе хутшăнакан хастарсем кĕрешнĕ.

Шел пулин те, çуннă çурт ăшĕнче 66 çулхи арçын ÿтне тупнă.

Хальхи вăхăтра РФ Инкеклĕ лару-тăру министерствин дознавателĕ тĕрĕслев ĕçĕсем ирттерет. Пушар пирус туртнă чухне асăрханусăр пулнипе тухма пултарнă. Вырăнта следствипе оперативлă ушкăн ĕçлет.    

Авăркас районĕ, Чăваш Нукасак ялĕ.