Пур хыпар та
Сывлăх сыхлавĕ
12 Нарӑсӑн , 12:29

Правительство пур ачасене те ишме вĕрентмелли программа йышăннă

Çĕршывра пур ачасене те ишме вĕрентесси, ача сачĕсемпе шкулсенче кирлĕ условисем тăвасси çинчен йышăну тунă. Çак тĕллевпе çĕршыв правительстви «Ишесси пурин валли те» программа çирĕплетнĕ. Вăл 2030 çулччен тăсăлĕ. Асăннă хушăва правительство председетелĕ Михаил Мишустин алă пуснă.

Правительство пур ачасене  те ишме вĕрентмелли программа йышăннă
Правительство пур ачасене те ишме вĕрентмелли программа йышăннă

Раççей регионĕсенче çакăн йышши программăсем ĕçлеççĕ, халĕ ачасене ишме вĕрентесси пĕтĕм Раççейĕпе сарăлĕ. Хушура çырнă тăрăх, бассейн пур шкулсенче ачасене 2 класран ишме вĕрентме тытăнĕç. Çапла майпа 2030 çул тĕлне шкулсенчи  ачасен 80% ишме вĕренмелле.

- Пĕтĕмĕшле программа тăрăх , çитес 6 çул хушшинче 12,5 миллион ача, çав шутра 124 пин тулли пурнăçпа пурăнма пултарайман тата сусăр ача ишме вĕренĕç, - тесе  çырнă правительство сайтĕнче.

Çак çулăн пĕрремĕш кварталĕнчех Раççейĕн 14 регионĕнче ачасене ишме вĕрентессин эксперименталлă программине хута ярĕç. Бассейнсенче занятисем ирттерме социаллă заказ йĕркелĕç. Ачасемпе ĕçлекен тренерсен квалификацине ÿстермелли программăсем ĕçлĕç.

2022 çулта Ĕпхÿ хулинче  «Ишесси пурин валли те» проект  ĕçлеме тытăннă. Ăна республика гранчĕпе усă курса Пушкăртстан спорт министерстви пурнăçа кĕртет. Занятисем тÿлевсĕр иртеççĕ.

Автор:Инга Алексеева
Читайте нас в