Пушкăртстан шкулсенчи шăл кабинечĕсем валли 132 млн тенкĕ тăкакланă

- Пушкăртстан бюджетĕнчен асăннă проекта пурнăçа кĕртме 132 миллион тенке яхăн уйăрнă, - палăртнă Министрсен кабинечĕн ертÿçи Андрей Назаров

Регионти вĕрентÿпе наука министрĕн ĕçĕсене вăхăтлăха пурнăçлакан Ильдар Мавлетбердин каланă тăрăх, стоматологи кабинечĕсене çĕнетес ĕçе кăçал пуçланă. Вĕсенчен 16-шĕ ачасене йышăнма тытăннă та.

 Шкулсенчи стоматологи кабинечĕсене çĕнетни хăтлă условисенче, поликлиникăра черетре тăмасăр ачасен шăлĕсене тĕрĕслеме, сиплеме май пани,  çавăн пекех унта профилактика ĕçĕ, шăл-çăвара тасатма та вĕрентни çинчен Пушкăртстанри вĕрентÿ министерствинче пĕлтернĕ.

- 2025 çулта тата 16 шкулти шăл кабинетне çĕнетме палăртатпăр, çак ĕç валли укçа-тенкĕ уйăрса хунă, - пĕтĕмлетсе каланă Ильдар Мавлетбердин.