Ĕпхÿре Раççейри чи лайăх практикăсемпе паллаштарнă

Асăннă сессие «Ломая барьеры» форум шайĕнче йĕркеленĕ. Мероприяти модераторĕ – «Стратегиллĕ пуçарусен агентстви» АНОран килнĕ Владимир Вайнер. Вайнер палăртнă тăрăх, Раççейре тата Пушкăртстанра ĕçлекен практикăсене пăхса тухмалла. Çав шутран чи лайăххисене суйласа илмелле, вĕсемпе çĕршывĕпе усă курмалла. Асăннă практикăсем сывлăх енчен çирĕп пулманнипе тулли пурнăçпа пурăнайман çамрăксене ĕçе вырнаçма пулăшĕç.

Çавăн пекех сесси вăхăтĕнче çак спикерсем тухса калаçнă: Артем Шадрин пĕрле ĕçе вырнаçтарассине аталантармалли лайăх юхăмсем çинчен каласа панă; Оксана Баркалова хавшак çамрăксене социаллă тата кăмăл-сипет пулăшăвĕ памаллли программăна тăратнă; Елена Мартынова инклюзивлă командăсем йĕркелемелли опытпа паллаштарнă; Мария Резниченко девиантлă тыткаларăшлă ачасемпе ĕçлесси çинче чарăнса тăнă; Михаил Новиков ĕçе вырнаçма пулăшакан «Перспектива» РОО опычĕпе тĕплĕнрех паллашма сĕннĕ; Гульназ Камалова мастерскойсенче паллашнă инклюзивлă уроксене сÿтсе явнă; Флюза Ибрагимова ăс-хакăл енчен сусăр çамрăк çынсене ĕçе вырнаçтармалли тата вĕсен кăнтăрлахи пушă вăхăтне йĕркелемелли опытпа паллаштарма килнине çирĕплетнĕ.