Ултă çул хушшинче Пушкăртстанра сывлăх сыхлавне 33,4 млрд тенкĕ уйăрнă

Пилĕк çул хушшинче 23 çĕнĕ учреждени хута янă, 99 объектра тĕплĕ юсав ĕçĕсем туса ирттернĕ. Çавăн пекех организацисене 12,1 пин  оборудованипе, 481 санитари автомобилĕпе тивĕçтернĕ. Санавиаци вăйĕпе 682 пациента эвакуациленĕ.

Тин çуралнă ачасем вилесси республикăра палăрмалла чакнă. Ултă çул хушшинче 40 процент сахалланнă: 2019 çулта 1000 çуралнă ачаран 6,1-шĕ вилнĕ пулсан 2024 çулта çак хисеп 3,7 юлнă.

«Земство тухтăрĕ», «Земство фельдшерĕ», «Пĕчĕк медицина организацийĕсем валли тухтăрсем», «Дефицитлă специальноçсем» «2012 çултан пуçласа 50 пин çын пурăнакан хуласене тата ялсене ĕçлеме килнĕ тухтăрсем» программăсемпе Пушкăртстанра  1861 специалиста ĕçе явăçтарма пултарнă.