Медицина ĕçченĕсене пулăшу

Регион тăрăх çул çÿревсенче пулнă май вăл час-часах фельдшерпа акушер пункчĕсене кĕрсе тухать.
– Пушкăртстанăн ытларах территорине ялсем йышăнаççĕ. Çавăнпа та çынсене медицина пулăшăвĕсĕр хăварма юрамасть. Эпир ял медицинине аталантарас енĕпе сахал мар ĕç турăмăр, çак вăл ĕç малалла та тăсăлать-ха. Республикăри 500 фельдшерпа акушер пунктне, вунă вырăнти больницăпа тухтăр амбулаторине çĕнетрĕмĕр. Анчах та малтанхи пекех тĕп вырăнта – унта ĕçлекен çынсем. Пирĕн «Земство тухтăрĕ/Земство фельдшерĕ» питĕ лайăх федераллă программа пур, вăл медицина ĕçченĕсене ял тăрăхĕсенче ĕçлеме хавхалантарать. Унпа пĕрлех хамăр республикăри «Земство фельдшерĕ» программăна пурнăçа кĕртетпĕр, вăл шăпах фельшерпа акушер пункчĕсене пырса тивет. Кăçал эпир 33 çынна 500-шер пин тенкĕлĕх тÿлевпе тивĕçтерĕпĕр, – пĕлтернĕ Радий Хабиров.
Надежда АЛЕКСЕЕВА.