Пушкӑртстанра 10 ҫул хушшинче рак чирӗ 16% ÿснĕ

Право информацин порталӗнче пичетленнĕ документран усал шыҫӑсен ҫӗнӗ тӗслӗхӗсен шучӗ 100 000 çынран арҫынсен хушшинче - 10,2%, хӗрарӑмсен - 20,6% ӳсни паллă. Арҫынсен простата парӗн ракӗ малта пырать, иккӗмӗш вырӑнта - ӳпке ракӗ, виҫҫӗмӗш вырӑнта - ӳт ракӗ. Хӗрарӑмсене ытларах чухне кӑкӑр ракӗ, ӳт ракӗ тата амалӑх ракӗ диагнозсене лартаççĕ.

Медицина статистики пӗлтернӗ тӑрӑх, 2024 ҫулта шыçăсенчен, ҫав шутра усаллисенчен, 6510 ҫын вилнӗ. Вĕсен шутне онкологи учрежденийӗнче регистрацире тăман 355 ҫын кĕреççĕ.