+28 °С
Пӗлӗтлӗ
Сывлăх сыхлавĕ
16 Октябрӗн 2025, 14:30
Аллă иккĕри хĕрарăм пуçласа анне пулса тăнă
Тĕп хулари Ирина Шайхиева акушер-гиниколог тухтăр хăйĕн ĕç практикинчи хăйне евĕр тĕлĕнмелле пулăм çинчен каласа панă. Ача çуратакан хĕрарăма Ĕпхÿри Хула клиникин перинатальлĕ центрĕнче йышăннă.
Аллă иккĕри хĕрарăм пуçласа анне пулса тăнă
«Манăн практикăра çакăн пекки пĕрре те пулман - 52 çулхи пациентка пуçласа ача амăшĕ пулса тăчĕ. Тĕп врачăн çумĕпе Ю.В. Максимочкинапа пĕрле хĕрарăма операци тума тÿр килчĕ. Операцине васкаса пурнăçламалла пулса тухрĕ, пĕчĕк пепке срокĕпе вăхăтсăр çуралчĕ», - тесе каласа панă тухтăр хăйĕн телеграм каналĕнче.
Çут тĕнчене тин килнĕ чун арçын ача е хĕрача пулнине тата ытти кăтартусене материалта палăртман. Тухтăр пуçласа анне пулса тăнă хĕрарăма вăй илме тата ура çине тăма суннă.
Юрий СНЕГОПАД.
