«Диспансеризаци каçĕ» пуçласа Çтерлĕ хулинче иртĕ. Республикăри сывлăх сыхлав министрĕ Айрат Рахматуллин каланă тăрăх, ăна хăрушă чирсене тупса палăртма тата сывлăх ыйтăвĕсен профилактикине ирттерме йĕркелеççĕ.

Хула çыннисем ноябрь уйăхĕн 13-мĕшĕнче 20.00-00.00 сехетре диспансеризаци иртме пултарĕç. Медицина специалисчĕсем кирлĕ диагностика процедурисемпе тивĕçтерĕç. Çав шута юн анализĕ, электрокардиограмма, флюорографи тĕрĕслевĕ, хĕрарăмсене ятарлă пÿлĕмре тĕрĕслесси кĕреççĕ.

Акцин тĕллевĕ - сахăр диабечĕ, чĕрепе юн тымарĕсен, онкологи чирĕсене  тупса палăртасси  тата  сывлăхпа пурнăçа кÿрекен хăрушлăхсене хакласси.

Регионти сывлăх сыхлав министерствин кăтартăвĕсем тăрăх, паянхи кун тĕлне 1,4 млн республика çынни диспансеризаци иртнĕ.