Çулталăк вĕçлениччен ултă поликлиника уçăлĕ

Вăл объектсене савăнăçлă лару-тăрура уçни пĕлтерĕшлĕ тесе палăртнă.

«Декабрь уйăхĕ пуçланать, строительство ĕçĕсем вĕçленсе пыракан поликлиникăсене уçмалла. Çынсем кĕтеççĕ. Эпир мĕн пирки калаçса татăлнине пурнăçларăмăр. Ултă поликлиникăна хута ярасси республикăри сывлăх сыхлавĕшĕн питĕ пысăк пулăм, - хушнă Радий Хабиров сывлăх сыхлав министрĕн çумне Роберт Иштукова.

Çĕнĕ поликлиникăсем Благовещенск, Янаул, Учалă хулисенче, Аскарово, Аскин тата Бакалă ялсенче  уçăлĕç.