Гафури районĕнче çĕнĕ ФАП уçăлнă

Малтанхи шкул çуртĕнче вырнаçнă пулнă. Унта пациентсене кирлĕ пек пулăшу пама вырăн çитмен.

Çĕнĕ медицина пунктĕнче ялти 460 çыннăн сывлăхне тĕрĕслесе тăма май пур, вĕсенчен 85-шĕ ачасем. Халăха Валентина Львова фельдшер медицина пулăшăвĕ парать, унăн ĕç стажĕ 33 çулпа танлашать. Фельдшерпа акушер пунктне кирлĕ оборудованипе тивĕçтернĕ, вăл хальхи стандартсене килĕшсе тăрать.