Аскарово салинче çĕнĕ ача-пăча поликлиники уçăлнă

Çĕнĕ медицина çурчĕ пĕр смена хушшинче 150 ача йышăнма пултарать. Поликлиникăн пĕтĕмĕшле лаптăкĕ 4 пин тăваткал метрпа танлашать.

 - Поликлиника пĕчĕк пациентсене йышăнма хатĕр: кунта кăнтăрлахи стационар, процедура пÿлĕмĕсем, васкавлă пулăшу памалли блок, амбулатори йышăнăвĕн кабинечĕсем, физиотерапипе сиплев физкультури пур. Çавăн пекех 120 вырăнлăх конференц залĕ тата студентсем валли вĕренÿ кабинечĕ вырнаçнă, - каласа панă Пушкăртстанри строительство тата архитектура министрĕн тивĕçĕсене вăхăтлăха пурнăçлакан Артем Ковшов.