«Сывлăх поезчĕсем» çула тухĕç

Министр сăмахĕсем тăрăх, апрель уйăхĕн 13-мĕшĕнчен Куватов ячĕллĕ Республикăри клиника больницин территорийĕнчен кардиологи тата стоматологи модулĕсем çула тухĕç.

 - Халĕ графиксем йĕркелетпĕр, маршрутсене палăртатпăр, техника тĕрĕслевĕсене ирттеретпĕр. Çитес тунти кунтан çула тухма хатĕрленетпĕр, - тенĕ Айрат Рахматуллин.

ПР Пуçлăхĕ Радий Хабиров муниципалитетсен ертÿçисене медицина ĕçченĕсене ĕçлеме кирлĕ условисем йĕркелеме чĕнсе каланă.

 - Тухтăрсене тимлĕх уйăрăр. Вĕсем 2-3 эрнене килĕç, - палăртнă Радий Хабиров.   

Министр хушса каланă тăрăх, тухса çÿрекен бригадăсен ĕçне медицина колледжĕсен студенчĕсем те хутшăнĕç.