Мияки районĕнче кану бази пулĕ

Пушкăртстанри Мияки районĕнче çĕнĕ кану базине хăпартĕç. «Альтаир» компани инвестор пулса проекта 55 млн тенкĕ хывма палăртать. Проект чи кирлисен шутне кĕнĕ май патшалăх пулăшăвне те тивĕçĕ. «Альтаир» компанипе инвестицисене хÿтĕлесси тата пулăшасси çинчен килĕшÿ тунă.

Проект пурнăçа кĕрсен регионта туристсене пухакан тепĕр вырăн уçăлĕ. Базăра хăна çурчĕсем, хостелсем, кафе, мунча комплексĕ, хĕллехи спорт инвентарьне тата шыв транспортне проката паракан пункт вырнаçĕç. Кану базине 2027 çулта уçма палăртаççĕ.

Автор: Инга Алексеева

Читайте нас