+16 °С
Ясно
Туризм
18 Мая , 05:00
Çирĕм пĕр çын шыв туризмĕ енĕпе пĕлÿ алла илнĕ
Ĕпхÿ хулинче Пушкăрт патшалăх аграри университетĕнче февраль уйăхĕн 26-мĕшĕнчен пуçласа апрелĕн 27-мĕшĕччен «Шыв туризмĕ енĕпе инструктор - çул ертÿçи» професси хатĕрленĕвĕ енĕпе вĕренÿ иртнĕ. Çирĕм пĕр çын 256 академи сехетĕнчен тăракан курс пĕтернĕ.
Çирĕм пĕр çын шыв туризмĕ енĕпе пĕлÿ алла илнĕ
Вĕренĕве куç кĕрет тата дистанци мелĕпе йĕркеленĕ. Дипломсене май уйăхĕн вĕçĕнче чаплă лару-тăрура парĕç. «Шыв туризмĕ енĕпе инструктор - çул ертÿçи» курса итлекенсем турист ушкăнĕсемпе ĕçлемелли, шыв маршручĕсем çинче хăрушсăрлăхпа тивĕçтермелли, пĕрремĕш тата психологи пулăшăвĕ памалли хăнăхусене алла илнĕ.
- Квалификациллĕ инструктор - çул ертÿçисене хатĕрлени регионти туризма аталантарма, туризмпа çыхăннă çăмăллăхсен пахалăхне тата хăрушсăрлăхне ÿстерме пулăшать. Алла илнĕ пĕлÿпе хăнăхусем çĕнĕ те хăрушсăрлăхлă маршрутсем йĕркелеме май парĕç, - палăртнă ПР туризм тата предпринимательство министрĕ Светлана Верещагина.